हाम्रो बारेमा

हामी “१०,००० लगानीकर्ताहरुको जमघट” अभियान संचालन गरि बढीभन्दा बढी लगानीकर्ताहरुलाई लगानीका सूचनाको संजालमा राख्ने समूह हौं । पहिलो चरणको लक्ष्य अनुसार १०,००० लगानीकर्ताहरुको नामावली तयार पार्ने उदेश्य राखिएको थियो जुन ३ महीनामै ९,६०० भन्दा बढी लगानीकर्ताहरु आबद्ध भईदिनु भयो । यो १०,००० लगानीकर्ताहरुको नामावली संकलन गरि भविष्यमा आउने लगानीका अवशरहरुको सूचनाको लागि मात्र हो र यसको लागि कुनै शुल्क उठाईएको छैन ।

यो समूहले लक्ष्य होल्डिंङ्गस् लिमिटेड नामक कम्पनी दर्ता र संचालन गरि कम्पनीका कामहरु प्रारम्भ गरेका छौं । लक्ष्य होल्डिंङ्गस् लि. को १ अर्ब १५ करोड अधिकृत पूँजी र १ अर्ब चुक्ता पूँजी रहेको छ । यस होल्डिंग कम्पनीले आफ्नो स्थापनापछि राम्रा, लाभदायी आयोजनाहरुको छनोट गरि नयाँ कम्पनीहरुको स्थापना गर्दै जाने लक्ष्य राखेको छ र कम्पनीहरुको समूह नै स्थापना गरिनेछ । यसबाट लगानीकर्ताहरुलाई लगानीको अवशर प्राप्त हुने, रोजगारीको सृजना हुने तथा मुलुकको आर्थिक विकासमा पनि योगदान हुनेछ । सत्यनिष्ठा, पारदर्शिता, व्यवसायिकता र जवाफदेहिताका यस कम्पनीका मूलभूत मार्गनिर्देशक सिद्धान्तहरु रहनेछन् ।

सुचना

लगानीकर्ता साथिहरु,

हामी लक्ष्य होल्डिंङ्गस् संग सम्बन्धित सबैको लागि खुसीको खबर छ । २०२२ जनवरी २९ सम्म शतप्रतिशत शेयर रकम बुझाउनुहुनेहरुमध्ये २६६ जनाको प्रबन्धपत्र, नियमावलीमा हस्ताक्षर लिएर हामीले कम्पनी दर्ता गराएका छौं ।

सबैजनालाई हार्दिक बधाई ।

अझै पनि पहिलो चरणको शेयरहोल्डरको शेयर लगत बनाउन केहि समय लाग्नेछ । तर अब कम्पनी दर्ता भईसके पछी २०२२ फेब्रुअरी १ देखि कम्पनीको आधिकारिक बैंक खातामा रकम जम्मा गर्ने व्यवस्था गरिएको छ । पहिलो चरणको शेयरहोल्डर बनि शेयर लगत कायम गराउन चाहनुहुनेहरुले शतप्रतिशत रकम कम्पनीको आधिकारिक बैंक खातामा जम्मा गर्न सक्नुहुनेछ । अब पूँजी रकम कम्पनीको आधिकारिक बैंक खातामा सर्नेछ । २०२२ फेब्रुअरी १ देखि कम्पनीको आधिकारिक बैंक खातामा जम्मा भएको रकम कम्पनीको चालू खाता भएकोले ब्याज आर्जन हुनेछैन ।

केहि समयमै हामी कम्पनीको आधिकारिक बैंक खाता उपलब्ध गराउनेछौं ।

२०२२ जनवरी ३१ सम्म संकलन भएका लगानीकर्ताहरुको रकममा बार्षिक १०.०५ प्रतिशतले हुन आउने ब्याजमा ५ प्रतिशत श्रोतमा करकट्टी गरि हिसाबले दैनिक समय र रकमको भारित अनुपातमा लगानीकर्ताहरुलाई नै ब्याज फिर्ता दिने हाम्रो प्रतिबद्धता अनुसार ब्याज भुक्तानीमा हामी काम गर्दैछौं । ब्याज भुक्तानीको हिसाब गर्ने कटअफ मिति २०२२ जनवरी ३१ रहेको छ ।

यसको लागि लगानीकर्ताहरुको बैंक खातामा ब्याज फिर्ता पठाउनको लागि लगानीकर्ताहरुले आफ्नो १३ अंकको आवेदन नम्बर लक्ष्य होल्डिंङ्गस् लि. को बेवसाइट www.lakshyaholdings.com मा सर्च बक्समा खोजी बैंक खाता विवरण अद्यावधिक गरिदिनुहुन अनुरोध छ ।

सुचना जारी गरिएको मिति : १८ माघ २०७८, मंगलवार